Ден на лебот во знакот на хуманоста

По повод „Денот на лебот“ и во рамките на „Неделата на борба против гладта“, Црвен крст на Република Северна Македонија – Општинска организација Радовиш, во соработка со „Жито Лукс“ АД Скопје, реализираше убава хумана акција за поддршка на семејства во потреба.

Благодарение на донацијата од 500 лебови, обезбедени од општествено одговорната компанија “Жито Лукс“, околу 200 домаќинства во Радовиш и околината добија топол леб и порака дека хуманоста нема граници.

Нашите волонтери и вработени, со насмевка и голема посветеност, ги доставија лебовите таму каде што е најпотребно — носејќи топлина, внимание и љубов во домовите на луѓето.

Голема благодарност до Zito Luks/Жито Лукс за поддршката и довербата.

Заедно правиме добри дела што греат срца!